【維港會】港女酒店房用熱水煲打邊爐 網民怒批不衛生

疫情下不能去旅行，一股Staycation熱潮因此興起，有網民昨日於討論區上貼上有港女於酒店房內用熱水壺打邊爐的照片，怒轟不衛生，更稱「之後住酒店嗰位，煲幾次滾水都冇用」，引來網民熱議。

該網民於連登討論區以「而家興staycation時用酒店水煲打邊爐？」為題發帖，分享一名女子的社交媒體Instagram動態影片及照片，指有關酒店為尖沙嘴一間高價酒店，慨嘆「證明幾貴嘅酒店都有X客」。由照片中可見，事主將肥牛放進熱水煲內煮熟，旁邊亦放有一盤肥牛，並打上「好正」及「差啲想買埋湯底」等字眼，

有網民留言怒轟事主不衛生，不過有網民盲認為「我同情佢多啲喎」，又指酒店的熱水煲出名污糟，「啲人飲醉又嘔落去，貪玩煲尿，煮底褲襪消毒，呢舊肉吸哂啲精華」，亦有人表示「上手可能用嚟又嘔又屙尿」，更有網民嘲笑她「已受到應有嘅懲罰了」。

有網民則認為「唔係用嚟煲底褲咪算係咁」，不過亦有人認為做法無問題「唔好乜X都拎上嚟批鬥啦」。