【維港會】好上司為保住下屬份工 自願食「肥雞餐」一換三

市道低迷，不少公司近日宣布裁員，不同公司都有不同處理方式。近日就有一名上司因為處理裁員一事獲網民大讚。

有網民於Facebook專頁「辦公室日報」投稿，指朋友的公司裁員，公司早個半月已經通知每個部門要交2至5個人名，而朋友所熟的部門要交4個人名，而部門主管竟然決定交自己個名出去。因為主管人工較高，所以可以勉強保住3個員工，老細最初拒絕，但主管指自己「唔等錢使」，想休息一下，故堅持要自己食「肥雞餐」。

事主朋友亦主動舉手做最後一個被裁的員工，認為自己係「全team最後生，有信心搵到新工」，主管隨即幫朋友舖路，並介紹新工比佢。最終個個都有工返，只有主管仍然前景未明。網友指，雖然自己唔識朋友的上司，但大讚他偉大，又指「好人係應該要有好報」。

網民都大讚這名上司，指「好上司真係勝過做大公司」，亦有人表示自己的上司亦好落力幫佢保住份工，雖然最尾保唔住「佢都好盡力幫我搵工，直頭搵佢個朋友請我，我已經好感激」。亦有網友表示遇過衰上司，「到自己做上司或老細時就知道點做得好」。

另外，有網友大呻「我老細絕對唔係咁樣，有大獲野推左你出去死先」，亦有人指「通常都係即刻割蓆既啊頭多！我試過」。