【死因研訊】指找到關鍵片段有突破 周梓樂父親：向真相邁進一步

科大生周梓樂死因研訊踏入第15天。裁判官高偉雄昨午透露在閉路電視片段中，發現「非常關鍵」影像，須即時休庭處理。高官今再表示，由於不想公眾猜測，今將在庭上播放。周父周德明在庭外表示他與太太今天在庭上首次觀看有關疑似兒子周梓樂墮樓一刻的數秒片段，「庭上睇到幾多就係咁多」，周父指：「段片都好快，個心當然唔開心，見到個仔墜落個一剎那」，「都係法官講，話片段同救護員證供唔脗合我地先知」。

周父指他現時未能評價警方在處理有關資料片段的手法，「疏唔疏忽依家真係唔敢講」，「嗰日我地鄭大狀（鄭淑儀女大律師）隨口咁問一問，估唔到就有啲突破，我地之前都估唔到」。周父希望任何曾經目擊事件的民眾能與他或死因庭聯絡，「其實可能廣明苑啲街坊都可能有啲人會見到，或者佢地見到會比鏡頭更加真實，希望佢地講下形容下，未必可以上庭作證的話，都可以俾我同律師加深下分析」。

周父指「無得驚」現時事隔逾一年後再蒐證或許會「搵唔到好多」，「咁排到一年後先開庭呀麻，要相信囉」。他指見到片段墮樓時間與推測墮樓時間相差近十分鐘時，「我心入面會有啲諗法，但係心入面嘅猜測」，「我作供嗰日都講過我個囝最後上線時間係（凌晨）一點鐘架麻，咁係咪要我嘅諗法錯左呢，都要再研究一下」。

周父認為今早播放的閉路電視片段「都幾好」，「反而我係開心，法官自己都睇到一啲嘢，好似真係有突破」，亦認為該片段令還原真相的過程邁進一大步。周母李麗麗在觀看片段時痛哭流涕，周父指自己「依兩日（情緒）都麻麻地」，但笑說：「我一個男人，唔可以當眾咁樣喊出嚟架麻」。