星島日報

【維港會】網民倡政府停建公屋 促港人勿貪小便宜被轟自私

2020-12-02 15:02
網民提倡政府停建公屋。資料圖片
網民提倡政府停建公屋。資料圖片

香港樓價高企、市民住屋困難,政府多年來都大力興建公屋。不過有網民在「香港討論區」反其道而行,反對政府興建公屋,提倡改為興建私人樓宇,引發網民爭議,不少人批評是自私想法。

特首林鄭月娥在今年《施政報告》說,已全數覓得興建316000個公營房屋單位的330公頃土地,可以滿足未來10年,即2021/22至2030/31年約301000個公營房屋單位的需求。

網民發文指,「月入萬五,兩三四五萬嘅你,又咪係一定要去私樓市埸置業」,網民認為「起得越多公屋,即係私樓用地越嚟越少,潛在私樓供應越來越少,私樓越貴!」發文網民聲言,只是一些自僱逃稅人士、有海外或國內物業收租但無申報、非華裔黑工、洗黑錢的黑社會分子才能受惠公屋。「越多公屋!我哋香港納稅人更加難置業!唔好被小便宜蒙蔽雙眼,唔好支持啲對自己百害而冇一利嘢」。網民聲稱真正想香港好,應該停建公屋,轉為興建私樓。

網民提倡政府停建公屋。資料圖片
網民提倡政府停建公屋。資料圖片


有人認同看法,指「我覺得取消公屋居屋改為大幅增加私樓供應會比較好,由細屋換大屋, 郊區換市區嘅上升階梯,會比公屋、居屋、私樓合理。因為現實係住咗係公屋就死都唔會交番出嚟,而且一定程度上懲罰加人工 / 升職嘅人」、「公屋真係益新移民同非華裔人多,好唔公道」。

不過也有人反駁發文者「公營房屋不等於公屋,希望你唔好誤導人,公營房屋可以係居屋,綠置居,甚至係首置屋」;有人批評發文者自私,「大把人住劏房,廚房廁所起埋一齊,又違反消防條例,分分鐘火警就大鑊。有啲結咗婚仲要分開住。你個自私仲喺度擔心上唔到私樓而反對起公屋?」也有人質疑,「你公屋越多嘅概念錯咗,當多到一個地步cover哂有住屋需求嘅人, 私樓淨返有投資/喜好需求嘅人買, 即係私樓需求大減,私樓就唔會有得炒,情形就好似新加坡咁」

更有人提出增加公營房屋,「希望將公私營房屋進一步改為82比或91比,大量興建居屋和首置,所謂安居樂業,想香港平和」、「政府更改公私營比例至82,讓更多市民可以用能夠負擔的價格買樓,起更多的私樓,發展商也不會平賣,而且市民人工已經追唔上樓價,怎樣也買不到,所以應該讓居屋,首置加大興建量才是。」

最新回應

關鍵字

相關新聞

熱門文章