星島日報

【獨家】莊韻澄讚破產老公 有畀家用靠得住 閃嫁全因社運遇催淚煙被拖實

2020-12-01 22:51

曾經因為前度張致恆多次偷食,Hurt到幾乎想跳樓嘅莊韻澄(Xenia,前名莊端兒),於上月12日閃嫁拍拖僅兩個月嘅經理人呂成忠(Joe),變身幸福人妻。對於老公被踢爆欠債累累兼破咗產,莊韻澄力撐老公靠得住:「佢叫我放心,承諾等佢處理好之後,會好好照顧我,我信佢會翻到身。」採訪:方騫平 攝影:譚壹致 化妝、服裝、場地:Aplus make up & stylist

莊韻澄大讚老公有責任心,雖然破咗產,但每月仍有畀家用她。
莊韻澄大讚老公有責任心,雖然破咗產,但每月仍有畀家用她。
莊韻澄大讚老公有責任心,雖然破咗產,但每月仍有畀家用她。
莊韻澄大讚老公有責任心,雖然破咗產,但每月仍有畀家用她。

莊韻澄改咗名後,真係好運齊來,Dry足四年終於搵到真愛,換上deep V噴血晚裝的莊韻澄接受《頭條日報》訪問時感受特別深:「喺工作上合作咗年幾,直至今年4月佢先對我表白,9月開始發展。」Xenia表示她一路拖,並用工作繁忙而推搪3次,「為咗想睇清楚呢個人,每次都話遲啲先啦,難得阿Joe每次都肯耐心等候。」

性感人妻

人妻莊韻澄晒半球性感迷人,笑說老公朝朝起身見到佢應該好開心、好幸福。
性感人妻 人妻莊韻澄晒半球性感迷人,笑說老公朝朝起身見到佢應該好開心、好幸福。
雙喜臨門

Dry足四年終於搵到真愛,莊韻澄一提老公即笑。佢亦希望出年年尾補擺婚宴,到時搞埋百日宴,講到咁白,咁大家明白未?
雙喜臨門 Dry足四年終於搵到真愛,莊韻澄一提老公即笑。佢亦希望出年年尾補擺婚宴,到時搞埋百日宴,講到咁白,咁大家明白未?

因為安全感而放心一齊

觀察期間,莊韻澄會表露自己最差一面,如發脾氣,會好野蠻及唔化妝。但因為對方一次表現令Xenia好感動,即時心軟。「發生喺去年社運其間,佢真係好緊張我,覺得一個女仔喺出面做嘢會好危險,成日話『不如我嚟車你啦!就算喺條街有乜事,都係喺我架車啫,唔係你架車。』有次街頭真係遇上催淚彈,佢緊張到捉住我,好驚我會有乜意外,同平時認識嘅佢好唔同。」Xenia強調當時同佢唔係好熟,只係一齊做嘢,關係曖曖昧昧,「所以當時心諗『真係咁緊張咩?呢個男仔幾有責任感喎!至少有事時唔會掉低你走咗去先!』以前真係遇過呢類人,原來身邊有一個好驚你會受傷嘅人真係好有安全感,都想同呢個人拍拖囉,而且佢唔會口花花,個人好悶好內歛,咁就唔擔心會出軌。」

財政獨立拒幫老公還錢
對於老公被爆破產,Xenia直認一早知。「合作時都知道佢破產,為乜破產就不便提,但我同老公財政獨立,佢還錢係佢嘅事,我係唔會幫佢還嘅,但佢嘅錢係我嘅錢,我嘅錢係我嘅錢,所以佢好慘㗎,啲錢全部落晒我袋,同埋佢喺呢個環境,每個月都有畀家用我,係個負責任嘅男人,到現時為止喺財政上我都未操心過。」至於前度張致恆老婆雯雯反撃莊韻澄數佢老公,不滿表示:「唔使提醒我老公係一個咩人!」莊韻澄笑言:「有啲嘢發生咗就發生咗,佢哋開心咪得囉,我諗佢哋相處咗咁耐,唔會唔知對方係咩人,當然佢好愛老公先至會咁講啦,比着我都會咁做。」

信會翻身

莊韻澄唔介意老公呂成忠破咗產,相信他幾年後會翻到身。
信會翻身 莊韻澄唔介意老公呂成忠破咗產,相信他幾年後會翻到身。
憧憬成婚

同張致恆拍咗近4年拖,一度想開花結果,仲揀埋婚紗。
憧憬成婚 同張致恆拍咗近4年拖,一度想開花結果,仲揀埋婚紗。
傷到入院

同張致恆啱啱分手時,Xenia壓力大到胃痛,原來膽石引致膽發炎,要入院做手術。
傷到入院 同張致恆啱啱分手時,Xenia壓力大到胃痛,原來膽石引致膽發炎,要入院做手術。
曾經想死

莊韻澄喺節目《吃掉前男友》中爆喊,指喺記者口中得知前度多次出軌,飽受情傷。
曾經想死 莊韻澄喺節目《吃掉前男友》中爆喊,指喺記者口中得知前度多次出軌,飽受情傷。
愛得痴纏

當日同張致恆愛得痴纏,一度蒙蔽了雙眼,原諒男友多次偷食。
愛得痴纏 當日同張致恆愛得痴纏,一度蒙蔽了雙眼,原諒男友多次偷食。
兩子之父

張致恆同雯雯奉子成婚後,目前係兩子之父。
兩子之父 張致恆同雯雯奉子成婚後,目前係兩子之父。
專心工作

因為要專心跟黃秋生做《大師班》,莊韻澄曾推搪同呂成忠拍拖。
專心工作 因為要專心跟黃秋生做《大師班》,莊韻澄曾推搪同呂成忠拍拖。
推搪藉口

為咗主持《Show肌》,莊韻澄再叫阿Joe耐心等吓。
推搪藉口 為咗主持《Show肌》,莊韻澄再叫阿Joe耐心等吓。
谷奶負荷

32E、24、35嘅莊韻澄身材冇得輸,佢最擔心將來做媽咪時谷奶會好辛苦。
谷奶負荷 32E、24、35嘅莊韻澄身材冇得輸,佢最擔心將來做媽咪時谷奶會好辛苦。

最新回應

關鍵字

相關新聞

熱門文章