【維港會】兒子送過百蚊禮予同學 港媽嘆：自己生日都未收過

作為母親，最開心當然是兒子懂得關心自己。近日一名港媽於網上分享，指13歲的兒子買了過百元的禮物送給同學，但自己則從未收過兒子的禮物，直言感到不開心，認為自己的地位不如同學。

一名港媽在討論區「親子王國」以「你哋會嬲仔女嗎」為題，發文表示兒子今年13歲，每逢母親節或生日，其兒子亦不會送禮物給她，但港媽亦不介意，「知佢仲細無咩錢買，只一齊食飯同一齊吹蠟燭食下蛋糕」。

然而港媽最近得悉兒子用零用錢買了一件逾百元的禮物送給同學，但兒子在自己的生日卻毫無表示，因此感到不開心。港媽表示並不是希望收到昂貴的禮物，「我都唔係想佢用錢買嘢俾我，其實佢親手畫一幅畫或做一些小禮品比我，我都會好開心，想睇下佢有無我心」，又指與兒子討論此事時，兒子亦沒有任何回應，令她傷心。

港媽於帖文中問是否自己太介懷，不少網民都留言安慰港媽，「十幾歲一般係重視朋友多㗎啦」、「青少年買生日禮物畀朋友，都唔會送生日禮物俾父母係好正常不過。有咩好嬲？」、「好多人細時唔懂孝順，大咗，甚至老咗先孝順」。