【維港會】巴士男舉腳過頭晾扶手 網民笑爆難度滿分

第四波疫情來勢洶洶，市民都格外提高衛生意識。有市民搭巴士就見到有一名無公德心男子雙腳「飛象過河」，不過網民不怒反笑，皆因男子雙腳高舉過頭晾在窗旁扶手，整個人幾乎對摺，動作之高難度引來網民狂抽水。

網民在「Tai Po 大埔」發帖，指在271巴士上見到一位男子「飛象過河」，「腳太長，好有公德心咁無將對腳放喺對面凳」。只見男子雙腳高高舉起，晾在窗旁的扶手上，一人霸二人位，一手緊捉隔離座位扶手，一手晾起不失霸氣，好身手令人大開眼界。

大批網民被男子特別的晾腳技巧笑爆，「好快會椎間盤突出」、「難度分10分」、「好想睇司機急剎」、「使唔使咁好身手」、「懷疑佢生痔瘡」。有人則回歸重點批評「隻死人腳擺到咁高，啲菌飄到周圍都係」、「張凳乾淨咗，但扶手污糟咗，有咩分別？一樣無公德心」。