【維港會】睇戲前播恐怖片預告 港媽投訴：會嚇親小朋友

播放電影前，必然會有預告片播出。近日一名港媽於網上發文，指與小朋友到戲院看電影時，在開場前竟然播放了恐怖電影的預告片段，港媽完場後立即向戲院投訴。帖文引起網民熱議，不少網民都認為港媽大驚小怪。

一名港媽上周六（21日）於FB群組「將軍澳主場」發文，指帶小朋友到戲院觀看改編電影《怪誕黑巫后》（The Witches），但在觀看預告片時竟然播出日本恐怖電影的預告片，港媽表示「我當時完全呆咗！唯有即刻遮住小朋友隻眼同耳仔」。

完場後港媽立即到票務部投訴，「個職員嗰樣有啲迷惘，然後話會同個經理講」。港媽事後表示已在該戲院觀看電影多年，從未發現同類事件，直指「播套恐怖片trailer在小朋友電影完全唔合適！希望戲院多加留意！因為真係會嚇親小朋友」。

帖文一出便引起網民熱議，有網民認為港媽大驚小怪，「咪遲小小入場囉，唔通人哋賣廣告都唔俾咩？咁小事都投訴」、「其實又洗唔洗咁大反應」、「你呢個怪獸家長仲恐怖過預告片啦」，亦有網民指出港媽帶小朋友觀看的電影，本身亦屬「兒童不宜」的IIA級，「其實The Witches都好恐怖，又帶小朋友去睇」。