【維港會】洗澡跣手跌少主落地致腦出血 印傭反怨：跌親下都要入醫院

請工人真是很講運氣！港媽在Facebook群組「搜尋外傭黑名單結集」發文，表示自己正懷第二胎，有一個21個月大的兒子，8月尾請了一個本地印尼斷約工人姐姐，工人姐姐自稱曾在台灣工作，有照顧老人家及BB的經驗，因為對上一份工僱主不給她喝水及進食，加上少主喜歡她，惹僱主呷醋，所以辭職。港媽表示面試時感覺不錯，於是就請了她，工人姐姐在10月26日上班後也表現不錯，清潔及煮食也不過不失，但照顧小朋友卻發生意外，令她非常心痛。

港媽表示工人姐姐工作了一星期左右，有一晚幫兒子洗澡時卻跌了他落地，「個頭腫到好嚴重，起咗個瘤，我哋當晚即刻送咗個仔去醫院做咗腦部掃描，醫生話個腦有瘀血，工人姐姐都有say sorry，我同先生冇怪責過佢之餘一句都冇鬧過佢，純粹教佢照顧BB一定要非常小心，唔可以有任何疏忽，但作為父母嘅我哋真心心痛到死，喊咗好多日，自己仲有抑鬱症！」

後來港媽減少讓工人姐姐接觸兒子的機會，只處理家頭細務，但工人姐姐卻開始變臉，責怪港媽「跌親下都要入醫院」，又抱怨自己要照顧小朋友，又要做家裏的清潔工作，「我每日只係叫佢喺我同阿仔起身之前，吸塵拖地抹佢啲玩具，基本煮嘢食，我每日下午都會陪阿仔瞓晏覺，我哋會喺房三個鐘，根本佢自己做咩都得！」

後來，因為兒子再次跌親，工人姐姐再次發難表示不明白少主為何經常跌倒，又表示這樣她很不舒服，然後又再次表示因為清潔屋企照顧不到小朋友，「好明顯係佢疏忽先至會整跌我個仔搞成咁，仲諸多藉口賴番我哋或者責怪我個仔點解會跌！」工人姐姐表示之前在台灣照顧小朋友不用做清潔，又表示找工作並不想照顧小朋友，只想照顧老人家，是中介公司迫她才會這樣做，最後更表示不想在香港工作。

港媽已即日解僱工人姐姐，並補錢及買機票送走她，她希望分享自己的經歷，小心選擇工人姐姐。