有機會都會盡做 68歲洪金寶：所有機能退化先會退休

68歲「大哥大」洪金寶自17年受膝患困擾後，經常以輪椅或拐杖代步，加上早前一度暴瘦，令大家關注其健康狀況。洪金寶日前接受鄭丹瑞（阿旦）的網台專訪，只見他面色紅潤又飽滿、聲如洪鐘，不時講到手舞足蹈，相信一眾影迷大可放心！
洪金寶解釋因長年累月拍動作戲，膝蓋傷患是無可避免，明言現在的舒適生活全靠以前捱出來。他說：「由老婆識我都如今，生活、食住都是我博回來，如果以前唔博就乜都冇，我依家唔係唞，遲少少就可以『長唞』，哈哈！」
洪金寶又不明解為何總有人叮囑他退休：「點解我要退休？我可以說話又可以思考，當你覺得自己真的所有機能都退化、開始出醜就退休。我真的做不到，我才會退休，現在只要有機會，我都會盡量去做。」