花姐狠插面試照P圖過晒火 《造星III》楊麗怡尷尬稱化妝問題

ViuTV選秀節目《全民造星III》今晚播出第五集，22歲參賽者17年工展小姐亞軍楊麗怡(Merry)的面試照有樣有胸，惹人遐想，但評審們見到真人後都O晒嘴，因為出入實在太大，監製花姐直言：「條腿會唔會P得長得滯呀? 」，導師彭秀慧亦唔避忌直接問佢：「咁個胸有冇P過？差咁遠嘅？」Merry尷尬解釋稱可能是化妝問題。

歌唱面試中，Merry表現強差人意，花姐表示:「我想話，如果佢真係入，我真係返屋企㗎！我專心做番經理人，我以後唔開全民造星！」到了正式參賽環節，Merry竟獲評判Eric Kwok鬆手給了藍燈，有幸進入復活區避免馬上淘汰。Eric評價Merry：「我覺得你個樣幾得意，唱歌把聲幾有力，幾有氣。」評判Joey Tang亦讚賞Merry唱高音時表現不錯，在後台的導師林二汶聽到呆咗。