呻今屆亞姐好難揀 程瑤開心與蘇永康後台短聚
2020-11-06 09:00 
《2020亞洲小姐香港區決賽》於周日（1日）圓滿落幕，賽果亦經已塵埃落定，擔任評判及儀態導師的「仁美清叙」主席程瑤，事後坦言整個評審過程都「好難揀」，皆因很多候選佳麗都表現很好，問到三甲是否其最後心水？她說︰「最後五強係自己心水，其實個個表現都好好，唔止靚仲好有才華，睇佢哋表演睇得好開心。」
今年亞姐競選現場非常熱鬧，不少「仁美」成員都盛裝出席，讓程瑤可以跟一眾老友聚舊，她說︰「以前做騷大家成日見，不過疫情關係大家少見咗，趁呢個機會聚埋一齊，特別係表演嘉賓蘇永康，以前成日一齊合作，又會飛去唔同地方做騷，本來因為要做評判，都冇時間同佢聚舊，好彩佢表演完後到我上台頒獎，大家喺後台短聚傾計。」
對於今年「仁美」再添新血，程瑤感到非常開心︰「去年亞姐加入我哋，一齊做咗唔少慈善工作，今年再有一大班新血加入，係一件好事，因為可以為唔同嘅慈善活動出多一分力，幫助社會上有需要嘅人。」
關鍵字
最新回應