【維港會】券商趣招益客 蟻民得「米」笑呵呵

科網巨股螞蟻上市時出閘脫腳，害苦不少蟻民輸利息，不過，有券商就在這時送暖搶客，其中大聖證券昨夜就宣布「失螞蟻 , 得小米」的計劃。

根據該行公布的「得米」計劃，之前透過公司申請孖展認購了螞蟻的客戶， 將會按照申購之股數，按比例贈與小米集團(#1810.HK)股票，以部份甚至全部覆蓋客戶因申購所產生費用之損失，所有送出之股票會於11月6日連同第二次退款之款項，一同存入客戶之戶口。該行仲話今次行動証明公司只賺良心錢，風雨同路，與你同行。

今次蟻民受罪，大部分銀行同證券行都無動於衷，只有個別推出補償損失的方案。至於又有人情味、又有趣味性，暫時率先見到呢個「得米」計劃。這間公司叫做大聖証券，公司的Logo設計也和傳統券商的莊重嚴重感覺不同，又玩埋IG戶口( account：monmonkey_hk)。據負責人解釋，公司希望有新穎的經營作風，通過有趣的方式向年輕人表達離地的金融資訊，冀望能和年輕人一起輕鬆投資、開心生活。該負責人仲透露，該公司重點發展金融科技，預計即將推出一個專為年輕人設計的嶄新交易平台。從該行化危為機做生意，足見港人頭腦係幾咁靈活。