【終於卸貨】佗巨肚玩到生B前 倪晨曦誕7.78磅囝囝

今年6月，33歲嘅「IG女神」倪晨曦（Elva）宣佈懷孕6個月，佗B期間倪女神都仍然好活躍，繼續接Job、又影大量靚靚大肚照、又開YouTube頻道拍片記錄懷孕期間點滴，更透露自己去醫院檢查時原來已經懷孕9星期，提到唔知道自己大肚時試過跌落樓梯，諗起都驚驚。

剛過去嘅萬聖節，臨盆在即嘅Elva依然搞鬼，喺巨肚上畫南瓜同戴巫婆帽應吓節，然後佢啱啱喺IG上載一家三口擊拳照，公告尋日誕下重3.53kg(約7.78磅)的囝囝。新任媽媽留言:「We did it！Welcome to the world little boy！雖然生產過程是一個long story，感恩一切都很順利！有很棒的醫生和貼心又厲害的護士，寶寶叻叻，爸爸叻叻 (無微不至的照顧和不斷的幫我加油打氣！）媽媽都叻叻 (我太累了，需要一點鼓勵！）今天起床覺得昨天去打了場MMA，生孩子真的是用生命在搏鬥，但看到健康的寶寶出生，一切都值得，3.53kg的小肉球。」一眾圈中好友如鄭欣宜、張繼聰、沈卓盈及車婉婉等均留言恭喜。