【維港會】父女黑夜馬路踩單車 女兒跟尾險象環生

馬路如虎口，近日有網民拍攝到一對父女晚上在馬路上踩單車，但父親竟然行在前方，獨留女兒在後面，期間更與巴士擦身而過，險象環生。不少網民看後都斥父親罔顧女兒安全。

有網民在社交網站Facebook群組「我食在元朗。你卻在大牌檔」上載一段車cam影片，影片可見當時正值周日(1日)晚上6時許，有一對父女在大馬路上踩單車，女兒自己一個留在後面跟着父親，父親則偶爾回望一眼，確認女兒位置。

女兒尾隨期間不時會移出馬路中間，更與一輛K66號巴士擦身而過，十分驚險，幸好拍片的網民一直在小妹妹後方，協助擋住其他車輛，他留言指「呢位爸爸如果可以的話幫個囡買啲安全用品！同埋唔好離太遠，好彩今次有我幫手頂一頂，後面有架紅van死衝上嚟，萬一發生咩意外就無謂！」，又斥責父親離女兒太遠，好容易發生意外。

影片曝光後，不少網民留言批評該名父親罔顧女兒的安全，「完全好似唔理嗰女，同埋咁細個踩馬路真喺好危險」、「就算嗰小朋友踩單車幾叻，都唔應該俾佢踩出馬路」、「根本唔應該踩馬路，更唔應該讓女兒喺自己視線以外」，亦有網民感謝車主保護小妹妹，「車主心地好，實俾後面推住」、「好彩有你路過」、「樓主宅心仁厚，好人一世平安」。