【維港會】叫「齋啡啲奶另上」侍應答無奶 港婦質疑理解有問題

《麥兜故事》一幕魚蛋與粗麵的故事不少人印象深刻，而現實中點餐也有不少笑話。網上討論區「親子王國」有女網民發文，指落單時叫「齋啡啲奶另上」，餐廳侍應答「齋啡無奶」，女網民質疑對方理解有問題，卻引起批評女事主語意不清在先。

女網民發文稱，出外叫餐飲，「老公話奶茶同齋啡，我補句齋啡啲奶另上。對方答齋啡係無奶架」。女網民於是再補充，「即是要一杯齋啡，奶係分開上。對方再答齋啡係無奶架」。女網民再強調「我要咖啡，但啡同奶唔好係埋一齊」。女網民形容聽到隔離枱食客都笑笑口，質疑「真好難明嗎？可如何改善」。

其他網民留言，認為「你一開始就唔好嗌齋啡」、「咁你應該係要叫熱啡，奶另上」。

有人批評，「唔係難明，係你一開始就誤導個侍應，人地回應你齋啡無奶正常不過！可如何改善是講你自己？」、「waiter冇錯喎，齋啡係冇奶架喎」、「其實係你有無唸清楚？侍應係無錯」、「其實前2轉你叫齋啡，對方答你係冇奶，到第3轉，你都已知改口講咖啡，奶唔好一齊，其實你已明問題所在」。也有人說，「隔離枱笑你咋」