【維港會】市民狗罐頭餵流浪貓滋生數十蛆蟲 愛寵網民清理促有手尾

好心餵飼街頭流浪動物若「冇手尾」會變成「好心做壞事」。有網民昨日在「天下貓貓一樣貓」群組內發文指，有人不收拾餵過的罐頭，導致積滿數十隻蛆蟲在罐內「碌嚟碌去」，讓事主不禁說道「餵完要識清場！如果唔係寧願你唔餵好過餵。」

事主稱，如常到街上餵流浪貓（阿女），卻在離牠的窩很遠的距離聞到一股惡臭味位。於是打開貓窩旁一個盒，竟看到已放置有約兩天的狗罐頭，事主不滿有人竟然「開狗罐餵貓」。

事主指，「罐入面有數十條黃白色蛆蟲碌嚟碌去，唔呃大家我真係即刻淆晒底，毛管戙到上頭殼頂」，但為了「阿女」著想，事主花了一個小時，伸手拾起把「罐蟲」丟掉。事主形容，拿起的瞬間，部分蟲還會彈出來，嚇得事主心慌。最後事主擔心還有蟲在附近，半夜咬會阿女，於是又用水把貓窩的周圍清洗至少4次，抹得乾淨後才餵貓。

事主苦心勸喻，大家做個「有手尾」的人，流浪動物「誤食腐爛的食物對身體也不好，希望大家守望相助，做個自律、有愛心、有責任心嘅街父母一齊照顧好浪狼。」

不少網民聽到事主的經歷都直呼聽到「都己經毛管戙」，又指責「冇手尾」的行為，「條友真係想靠害，真係唔餵好過餵！免得貓貓食咗腸胃炎」、「餵浪浪係好好心，但唔清理現場，惹到其他蛇蟲鼠蟻就唔好」、「我試過有啲人『好心』餵罐罐之後唔執去揼，結果引嚟紅火蟻，啲紅火蟻多到我差啲見唔到個罐頭。」