【維港會】露營客湧塔門亂拋垃圾木棍嚇牛 義工：牛先係原居民

適逢多日假期，不少港人因無法出外旅遊而選擇到郊外放鬆。有照顧牛的義工在網上發文指，西貢塔門近日出現「密集式露營」，霸佔了原本牛隻棲息的草地，露營客不但亂丟垃圾，更有孩子手持木棍作勢想打牛。牛義工希望遊客勿破壞自然環境，尊重在山上生活的牛隻。

牛義工在FB專頁「西貢牛」發文指，在前日（25日）假日時有大量遊客湧入西貢塔門郊遊露營，「再一次令塔門多人過旺角」，義工指在碼頭已看到有大批帶着露營裝備的人士正在排隊等上船。抵達塔門後，更見到一排排的帳篷駐紮在草地上，義工形容「密集過劏房」。而身為原居民的牛隻早已被趕離草地，義工指草地全部都被露營人士霸佔，牛隻沒有地方吃草，只好在沙地上徘徊，「僅餘嘅草仔都喺帳幕下，牛牛得返沙地，想刨下草仔都無」。露營客更亂丟垃圾，牛隻不時誤吃，「未去到草地，已經見牛牛摷垃圾食，啲人亂扔到周地垃圾」，義工指責露營客毫無公德心。

另外，牛義工更目睹一名孩子手持木棍恫嚇牛隻，義工急忙阻止並向媽媽解釋，「呢嗰細路，拎支大樹枝，同佢啊媽講話幫佢趕牛，我同佢啊媽講，收好食物就可以，牛牛見無嘢食，聞下哄下後會離開，唔洗嚇，唔洗趕，更加唔洗拎支棍。」，義工質疑孩子根本有意打牛，「唔好話拎支棍做樣，如果拎支棍做到樣嘅，將支棍掛喺個營就趕到牛啦～拎支棍都喺不懷好意想打牛啦」，牛義工慨嘆牛隻都被趕離棲息的草地，他在帖文中呼籲遊客不要打擾牛隻的生活，「其實牛牛只係喺自己屋企活動，收好食物，佢無嘢食就會自己離開，請唔好趕牛嚇牛！牛牛先係塔門原居民！」

不少網民看到帖文後，都表示憤怒，「露營啲人好自私」、「見到成篇嘢就火滾，而家香港周圍都是camping，啲人又無公德心」、「霸佔了牛牛地方，還要打牛！」