【維港會】九巴推「Buscation」平遊香港 網民讚靚抽

疫情下無得去旅行，酒店就推出staycation，連航空公司都推flycation，不過如果無錢又搶不到票怎辦？九巴就推介市民來一次「buscation」，可以漫遊香港，而且車費好平，獲網民讚「靚抽」。

九巴在Facebook專頁介紹「KMBuscation」，其實即是不看路綫，不理目的地搭巴士漫遊香港，發現更多香港的美好，「搭九巴周圍去，睇下日出日落，靜靜地咁欣賞每一個香港景色，每次都好似去緊一個小旅行咁，既開心又興奮，車費仲好平添」。

帖文笑爆網民，不少人都大讚「靚抽」，更紛紛推介適合的「Buscation」路綫，「大埔出發搭64K，到元朗轉53，之後荃灣轉290，最後黃大仙轉74A返大埔」、「一定要搭64k，站多車程長、郊區山路，搭到懷疑自己入左結界」、「塞屯門公路咪當坐咗轉飛機去台北」。