【維港會】小巴司機揸車頭耷耷乘客叫醒反被罵

2020-10-15 20:27

不少人喜歡搭小巴，貪夠快又方便，不過如果唔好彩坐上「亡命小巴」就有排驚。近日有市民搭小巴發現司機在駕駛期間似睡著，個頭愈耷愈低，令車上乘客十分惶恐，隨即叫醒司機，惟反被司機責罵。

有網民在社交媒體發文，表示在乘搭來往坑口及西貢的101m小巴時，見到司機頭部愈來愈向右邊傾斜，疑似入睡。「見佢揸得都穩陣但愈來愈低有啲驚」。此時坐在旁邊的阿姨也留意到司機的情況，隨即叫醒司機，但司機卻反駁：「瞓咗架車就唔識郁啦」，否認瞌眼瞓，讓網民十分無奈。

網民質疑司機除了睡覺還需在甚麼情況下才維持這個姿勢：「佢全程keep住咁樣，係咪身體有啲咩要咁樣既姿勢呀」，懷疑司機只是不願意承認已睡著。其他網民留言表示曾遇過同一個司機在駕駛時犯睏，曾在小巴駛到西貢公路時用手捽眼，「差d鏟上石壆」，似乎這名司機不是初犯。