【維港會】帶少主去遊樂場玩 外傭全程睇手機惹批評：出事先嚟後悔就太遲

不少雙職家庭的父母都會聘請外傭，照顧家裡年幼的小朋友、陪他們玩耍等。不過，若果外傭姐姐完全「放生」小朋友，情況可能就相當「牙煙」了！

近日一名網民在社交媒體Facebook專頁「外傭僱主必看新聞訊息」上載圖片，指有一名穿粉紅色衫的外傭姐姐帶一名穿橫間衫的男童，到樓下遊樂場玩耍，但該名姐姐全程只專注睇手機裡的影片，沒有陪男童玩，甚至根本沒有睇實該名男童，簡直是處於一個完全「放生」的狀態。

樓主指，該名男童因沒有人陪他玩耍而表現得悶悶不樂，一度在滑梯頂的平台呆坐，不過當有人要上去時，該名外傭姐姐竟拍打男童，並表示：「起身！你阻住人！」，男童聽後立刻拒絕，從其不合作的程度可見，他平日與姐姐的關係也不太好。

樓主之後怕該男童會不慎被弄傷，於是上前提醒他：「小朋友，你要小心呀！你起身啦！比人過，同埋怕人地會整親你！」，怎料男童竟然相當聽話，立刻起身。樓主表示，即使那一刻該男童跌倒或走失，相信其外傭姐姐亦只會後知後覺，又指「唔好影響呢位小朋友原本開開心心既成長，同埋唔好令佢有機會受傷！」

不少網民都認為該名外傭的行為相當不要得，紛紛表示「睇到好火滾」、「如果係我仔，我實即炒佢」、「真係出左事先嚟後悔就太遲啦！」。另外，有網民指遊樂場看似安全，但其實危機四伏，「我個仔五歲時被狂奔小朋友撞斷咗兩隻牙，有部份牙碎留咗喺牙肉，要睇牙醫打麻醉針攞出嚟，陰公，就係姐姐帶佢去玩但完全唔理佢」。不過亦有網民表示，不只是外傭，有不少家長帶自己的小朋友到樓下玩耍時，也會顧著睇手機或與其他家長聊天。