【維港會】巧手外傭另類才藝 僱主三母女鬢辮超吸眼

工人姐姐除了平日幫忙做家務，其實好多都有自己的另類才藝。有港媽就指家中姐姐最愛扮靚，更有一雙巧手，幫港媽三母女「頭髮大變身」，鬢辮非常整齊細緻，吸引大批網民「派like」。

港媽在「外傭僱主必看新聞訊息」Facebook群組發帖，指家中有個好鍾意扮靚的好姐姐，「我哋三母女都係長頭髮，佢就好鍾意搞我哋把頭髮，今晚有時間佢又將我哋三個人嘅頭髮大變身。」只見三母女的鬢辮款式都各不相同，每款都鬢得非常整齊帖服又細緻。

大批網民都讚好靚，「多幸福！我請了十幾年工人，也遇不到一個」、「完美之作」、「識紮辮嘅姐姐可遇不可求」、「靚唔靚係其次.....重點係佢有呢個心去做，有啲見到個頭亂晒都唔理」、「我以前個工人姐姐又係好勁，成日扎到我女個頭好似公主咁，佢而家走咗，我女成日叫我扎，我都唔識幫佢扎」，更有不少網民紛紛曬出自家工人姐姐之作。