【宣告失手】抗疫導致「居家肥」久休陳慧琳出現脹爆包包面

2020-09-25 21:07

喺抗疫下，唔少人留家抗疫導致「居家肥」，除咗「丁太」楊千嬅變身逆境肥廚神外，連向來好貪靚，開口埋口話行有型路線嘅「索媽」兼「索人妻」陳慧琳(Kelly)同樣宣告失手，塊面肥到變波！

久未露面嘅Kelly擔任「十一良心消費大使」，並拍咗一條宣傳片，鼓勵大家以日常生活費用的「十分之一」光顧社企回應社會問題，扶助弱勢社群，條片相當正面，亦收到Kelly嘅大愛，不過，最吸睛反而係佢嘅幸福肥，久休嘅Kelly片中着住白衫襯白褲，精神奕奕傳揚愛，不過就算用頭髮遮住兩邊面額，多角度下不難見到包包面，明顯比以前堅係肥咗好多，原來減肥真係女人嘅終身事業。