【宣告失手】抗疫导致「居家肥」久休陈慧琳出现胀爆包包面

2020-09-25 21:07

喺抗疫下，唔少人留家抗疫导致「居家肥」，除咗「丁太」杨千嬅变身逆境肥厨神外，连向来好贪靓，开口埋口话行有型路线嘅「索妈」兼「索人妻」陈慧琳(Kelly)同样宣告失手，块面肥到变波！

久未露面嘅Kelly担任「十一良心消费大使」，并拍咗一条宣传片，鼓励大家以日常生活费用的「十分之一」光顾社企回应社会问题，扶助弱势社群，条片相当正面，亦收到Kelly嘅大爱，不过，最吸睛反而系佢嘅幸福肥，久休嘅Kelly片中着住白衫衬白裤，精神奕奕传扬爱，不过就算用头发遮住两边面额，多角度下不难见到包包面，明显比以前坚系肥咗好多，原来减肥真系女人嘅终身事业。