【咁都得?】搵緊備M巾嘅暖男英皇女新人艾妮直言：會加分

2020-09-25 19:44

英皇靚聲女新人艾妮（Elly）早前推出HiFi碟《Closer》，今日她到旺角一間唱片店舉行簽名會獲粉絲支持。是次是加入公司後首個活動，很開心與粉絲見面。她表示首批推出2000隻，走訪8間唱片店見銷情都不錯，稍後也計劃推出限量版黑膠碟。在疫情下推出新碟不覺輸蝕，反而多謝公司在疫情下都幫她出碟，又有很多不同機會。

除咗和泳兒一起搞網上音樂會，反應很好，公司提議兩人可以搞組合外，早前和男神張孝全合作拍網劇：「我角色叫雞脾妹，有場戲講佢請我食雞脾，我刻意弄污嘴角，佢話幫我抹嘴，即時心跳加速、好開心。現實中我都鍾意暖男，會照顧女人嘅男士可以加分，如果男仔幫我準備紙巾同水會加分，我聽過有男仔甚至細心到會準備埋衛生巾。如果追求者為我準備衛生巾都幾Cute，幾好呀！因為女仔每個月都需要。不過未有人咁做，都期待有呢啲暖男追求者出現。」