【維港會】女車長車廂玩抖音扭腰熱舞 九巴指鼓勵同事追夢
2020-09-19 11:49 
近日網上流傳一段十多秒長嘅短片，一位身穿九巴車長制服嘅疑似女車長，喺巴士下層獨自一人，隨音樂扭腰起舞，車廂玻璃窗顯示車外有樹影同其他巴士。有網民留言認為，巴士司機工時長，但責任重大，休息時間輕鬆一下亦無傷大雅。但亦有人注意到個疑似女車長無戴口罩，擔心有衛生風險。
九巴回覆傳媒就指，一直支持員工嘅工作同生活平衡，喺唔影響行車安全同執勤表現下，鼓勵同事喺公餘時間，多進行有益身心嘅文康活動，追尋夢想。
關鍵字
最新回應