【維港會】16歲Band 3港隊田徑代表呻被看不起 網民鼓勵「唔係垃圾」
2020-09-11 11:31 
一名16歲學界田徑運動員，早前在社交媒體Facebook群組「名校secret」上發文，指近日坐交通工具時，突然被隔壁一名師奶指指點點後，師奶對她身旁的兒子說：「讀唔到書就係讀依啲爛仔學校㗎啦！」，令事主頓時感到非常難受。
該網民表示，自己曾代表過香港田徑代表隊出賽的Band 3學生，出賽成績不俗，曾經打破學界紀錄，又贏過海外比賽。然而，社會始終對「Band 3」學生存有不好觀感，有不少Band 1及Band 2學生認為Band 3學生不讀書、每天上學只是打架和睡覺。
他續指，自己的家人亦不遑多讓，即使自己以運動員的身分考DSE，以3322門檻入讀大學，家人仍覺得他沒出色，「田徑只是為個興趣」、「搵唔到食」等。他自問一直憑努力鍛煉、為未來鋪路，卻遭家人看不起，故衷心希望他人不要以有色眼鏡看待所有Band 3學生。
帖文一出，大批網民都留言鼓勵樓主，「唔需要太介意其他人既目光」、天生我材必有用，每個人都有佢自己嘅長處㗎，千祈唔好放棄！」、「放返個重心係自己到，起碼你善用到自己運動員既身分入到大學，依個係你自身有既價值」。有網民表示「我從來都唔覺得Band 3學生係垃圾，嗰啲自以為事唔肯進步唔肯學習嘅人先係垃圾」，亦有人慨嘆，「所有人都有專長。只可惜香港考試制度以及社會風氣埋沒咗好多『非主流』人才。」
Ohpama授權轉載
關鍵字
最新回應