傅穎做小三主動激咀栢天男嗌痛

久沒在港劇露面的傅穎，於ViuTV劇集《熟女強人》中飾演小三，介入吳千語和栢天男之間，還在戲中主動咀嘴栢天男。傅穎說本打算刷牙做準備，因道具組沒有牙膏而作罷：「之前台灣都試過拍呢類戲，點知我之前食香蒜涼麵，搞到對手好難受；當時對手傷風，我拍完嗰場戲之後，都病咗好一排！」
栢天男謂事前確定大家「身體健康」才拍攝，埋位前亦做足準備功夫：「食香口珠嗰啲就必需啦，我都係冇咩呢方面經驗，要導演教路點做，好在呢個場景都嚟過幾次，感覺好似好熟悉咁，易啲投入角色。」
兩位演員拍攝前不停試戲、度位，只需兩Take收貨表現專業，傅穎笑指栢天男整到佢好痛：「佢啲鬚根真係拮到我好痛，但大家都係專業，所以埋位之後唔諗呢啲，只會諗住點樣投入角色。」