【維港會】25歲男欲結婚盤算辭職排公屋 被批不切實際

被視為上車捷徑的新一期居屋和「白居二」計劃昨首日接受申請，坊間的反應熱烈。樓價高企下，有準備結婚的市民發文抱怨無望置業，是否應該辭職去排公屋。

網民在連登討論區發文，指今年向女友求婚，兩人都是25歲，男事主月入2.5萬元左右，女友則月入1萬至1.3萬左右，自己一個月儲1.7萬元左右，女朋友儲5000元，兩人合計也只儲得60萬元左右。男事主稱「本身都唔想擺酒，都係簽紙同食飯算」，「今年開始睇下樓，唔預屋企人幫，越睇越絕望，公屋唔輪到我，居屋又唔輪到我，私樓又買唔起，其實係咪應該我辭職去排公屋好過，一諗到咁又開始想喊」。之後網民思路又改變，稱「定係唔好咁口硬，接受老竇嘅父幹」。

不過其他網民都不太認同事主，有人反問「你求婚之前無計劃過咩？」，也有人指在新界的較舊細單位也有選擇，「你個Case我諗唔明有咩咁負面，求其大西北已經俾得首期買得」。

不過不少人質疑為何一定要買樓，和家人住或租樓住也無不可，「幾時開始上車年齡去到25歲？真係有住屋需要既咪租樓，如果租都租唔掂就唔好諗買」、「25歲咁後生就結婚就咪怨買唔到樓啦，大把人30歲先買，利申28歲45K月入，而家得50萬積蓄，我人工高過你同你未婚妻加埋都係諗住30歲先買樓咋巴打，同屋企人住多2-3年先買啦」。

有人建議「你地咁後生，賺得唔多儲到咁多已經好犀利，結左婚2人有6萬幾限額，可以平租住先，抽番幾次居屋，公屋就唔好諗，都唔知要排幾多年」