王君馨李施嬅IG晒舞功 網民最想君馨上ViuTV

王君馨7月以「G. Racie」名義自資推出新歌《Casada》，更揼本拍攝MV，反應不俗。因為今次以國語及英語演唱，有網民就提議下次可以大唱廣東歌！李施嬅就同君馨拍咗條跳舞片放上IG幫老友宣傳，雖然兩人一身休閒look，冇特別艷麗嘅裝扮，但跳起《Casada》副歌絕對Dancing queen上身，一直知君馨跳得，原來李施嬅都唔弱喎，見兩人又撥頭髮又扭腰，舉手投足啲Sexy味滲晒出嚟。

此外，王君馨雖然是無綫親生女，但新歌依然打入ViuTV音樂節目《Chill Club》推介榜，而之前TVB劇集《飛虎之雷霆極戰》歌曲，莫文蔚主唱的《呼吸有害》亦曾登上冠軍位置。由於每星期的冠軍可以到現場演唱歌曲，不少網友除了留言大讚ViuTV不如方丈般小器，更紛紛集氣，希望王君馨同樣奪冠「踩場」上《Chill Club》！

李施嬅之前同樣踩過界做歌手，2月同海俊傑推出情人節合唱歌《二次緣》。從今次的跳舞片段知道施嬅跳得有板有眼，絕對不遜於習舞多年的王君馨，未知李施嬅下首歌會否選擇跳唱呢？