【維港會】臨退休有500萬現金 買樓或做定期惹網民熱議

香港地生活艱難，有錢在手也不能安枕無憂。討論區「親子王國」有網民就說，有位親戚快退休，手頭上有500萬元現金想買樓，但又無辦法做按揭亦不會有人幫手做擔保，問一眾網民如何是好。

網民進一步透露，500萬元是樓價，該親戚另外有錢交雜費，又指「地區無問題， 最好大型屋苑，因為佢覺得易出租同有咩事都易賣出喎」，又問「我見啲藝員都係買3百-4百呎樓上左車先，其實佢係唔係可以唔洗買大型屋苑 ？ 買啲單幢有電梯就算？如果真係單幢邊區好呢？」

其他網民留言大多不看好，有人就説：「如果係我有500萬cash，我會做定期，好過買樓雖然會升值，但500萬樓月租1萬左右，又管理費，又差餉地稅，買樓舊啲又要維修，又要放租。自己都老，我會傾向享受生活」。

有網民就關注當事人是有物業在手，「如已有自住樓，要俾辣招，5百多萬樓價已經要比印花稅90多萬」。有網民就認為，「如果有自住樓，唔會買樓收租，好煩的。要分散投資，部份買政府年金，月月有糧出。部份買股票/債券/穩陣的投資，部份外幣定期，餘下流動現金。」

也有人不認同買樓，「講真都退休啦仲買咩樓投資!? 萬一樓價跌，年老嘅佢哋又承受唔到。 而且你估做包租公咁易咩，好多嘢煩， 遇着租霸仲死。 或者唔好彩，每兩年換一個租客仲煩」

其後發帖網民解畫，「佢都想留比下一代（但下一代已有物業，所以無人同佢做擔保）傳統思想，買磚頭可以保值，定期唔考慮了」