【維港會】仁慈爸不殺生令屋企變蟻竇 白糖盒滿佈識行「黑糖」

家中出現昆蟲，一般人都會打死或趕走，不過有位「慈悲」港爸，居然以「唔好殺生」為由，放走在砂糖盒中的螞蟻，最後造成全屋蟻患大爆發，令人哭笑不得！

有網民在「Day Day Explode 日日爆」Facebook專頁發文，指家中上月有蟻患，但一直找不到源頭，時不時會見到蟻路，每日都要用漂白水抹。上星期打算煮早餐時，「落糖果時就奇怪點解啲糖識郁...之後一打開裝糖個盒...驚嚇嘅事情來了」只見裏面爬滿螞蟻，場面恐怖，「屋企呀爸仲話放過啲蟻...唔好殺生」。

網民表示，現在每日都要用檸檬水和白醋抹，近日更發現螞蟻蛀了成筒山楂餅，「廚房有個鐵罐裝咗啲果啲紙包糖，中藥送果啲話梅同山楂餅，直接掉咗」網民無奈說，螞蟻永遠不知道從哪裏出來，已經蔓延全屋。

不少網民見到砂糖中滿布螞蟻都非常崩潰，「我睇到成身痕」、「你唔殺蟻后佢會不停生架！ 」，亦有網民教路「要搵到源頭（蟻係邊度入屋）先有用⋯⋯以前住過一間屋都好多蟻，後來搵到蟻係插頭走入屋，用膠紙封咗個插頭就冇蟻」、「係多蟻既地方放乾辣椒，啲蟻未必死，但起碼會唔出現先。」