网民恨做猫仔一齐发放懒散能量　35E庄韵澄晒性感夹胸「牀照」

拥有35E豪乳的庄韵澄（前名庄端儿，Xenia）经常于社交网派军粮，昨日傍晚她又于IG贴出多张性感「牀照」，并写道：「今日可以同猫仔发放懒散能量，听日就要一早起身努力工作。」睇番啲相……第一张，摊喺牀上的Xenia穿小背心晒黑色Bra带，心口冇乜睇头；不过第二张，Xenia就侧躺「不经意」地露出事业线；再睇埋第三张，同一个侧躺Pose，但镜头高炒，Xenia再用双臂夹一夹，成功压出3寸深坑；睇到第四张，继续是Xenia的多角度「睡美人」单头自拍，说好的「猫仔」仍不知所踪，完全图文不符！结果喺最后一张「主子」终于现身，仲一脸霸气地压喺Xenia身上，搞到一众网民纷纷留言喊葡萄：「我都想做你猫猫」、「Lucky cat」、「只猫真幸福」、「好羡慕只猫呀」等，不少人都话想同Xenia一齐发放懒散能量𠻹。