【登七暴瘦】面部凹陷惹嚟恐慌阿倫急解畫：係面部脫水呀

2020-08-16 21:15

譚詠麟於本月23日登七(70歲大壽)，形容自己年年25歲的他，日前喺社交網貼上一張最新爆汗運動自拍相，表示因為下雨而留在室內運動，豈料呢張自拍相惹嚟網民擔心，因為相中阿倫面容憔悴、雙頰凹陷，面色黝黑，恐他健康出咗問題！

今日阿倫連帖多張圖片和文字，為此解畫：「早上好，經過上兩天先出了一張加料操練的照片讓大家虛驚一場後，所以今日我在想要否再加碼呢？其實朋友們真的不用擔心，因我每次跑完步之後，未喝水之前，效果都是一樣。」而他還上載了「凹陷」和「回復本來面目」的照片做對比，配字自嘲「飢饉70」、「食嘢前」、「食嘢後」；另外又有「步照跑」和捐贈午餐證書的圖片。不過粉絲仍勸他注意身體，畢竟年紀大應多檢查，睇嚟阿倫嘅狀態，真係唔到佢唔認老囉。