【《刑偵》殺青】自認有脾氣令大家難受 惠英紅眼濕濕:其實我好愛你哋

2020-08-16 14:15
黎諾懿、陳煒、姜皓文、王浩信、黃智雯等齊向紅姐拍手致謝。
黎諾懿、陳煒、姜皓文、王浩信、黃智雯等齊向紅姐拍手致謝。

惠英紅(紅姐)去年憑劇集《鐵探》獲得視后殊榮,旋即與班底再度合作新劇《刑偵日記》,這晚她的戲份順利殺青,紅姐特別感激一班台前幕後,企上高台發表感言,與她飾演母子的視帝王浩信即時上住扶住她。紅姐說:「親愛的!今次真係同大家合作係好開心,我可能有好多歇斯底里啲戲,令到大家覺得我有少少難受,但我希望大家唔好介意,我有時係有少少脾氣,我希望你們大家明白,其實我好愛你哋。」紅姐講到都有些眼濕濕,說罷現場即時連番傳出「我都好愛你呀!」向她表示謝意。

紅姐最後一日開工,監製關樹明更代表劇組送上大束鮮花向她致謝,主演的姜皓文、王浩信、黃智雯、陳煒、黎諾懿等聚首影大合照,陣容十分強勁。紅姐開心道:「多謝大家,今次真係好開心呀,見到大家好團結,有時我拍其他作品,會見到演員互相鬥爭、互相食戲,或者在HEA,今次我見不到,大家都好認真,是真的。」

黎諾懿、陳煒、姜皓文、王浩信、黃智雯等齊向紅姐拍手致謝。
黎諾懿、陳煒、姜皓文、王浩信、黃智雯等齊向紅姐拍手致謝。
紅姐由姜皓文和王浩信伴住,接過監製送的花。
紅姐由姜皓文和王浩信伴住,接過監製送的花。

紅姐眼濕濕發表感言。
紅姐眼濕濕發表感言。
紅組一再多謝大家。
紅組一再多謝大家。

紅姐自在片戲是不怎麼講話的人,可能大家都以為她經常黑口黑面,但只是認真拍攝的需要。提到紅姐感動到眼濕濕,煒哥即貼心為她抹淚。她眼紅紅說:「今次真的好辛苦,我好多呢啲(歇斯底里)戲,有時都會催可唔可以快啲,因為驚個情緒走,所以係加重佢哋壓力,我見到大家有壓力,大家唔可以NG唔可以錯去遷就我,其實真係有唔捨得,但我又好開心,因為我殺青啦。」說罷台前幕後即時為紅姐拍掌歡呼,她再說:「希望劇集出街,觀眾可以睇到我哋有團火、好團結,因為呢個訊息好重要,身為演員會知嘅,如果成CREW人向住同一個目的,互相扶持,出嚟嘅味道大好多。」

全體合照。
全體合照。
關鍵字

最新回應

熱門文章