減肥食燒雞被發現 姜濤嘟嘴撒嬌

姜濤喺台灣拍緊偶像劇，收工有時間就周圍行吓，尋晚佢就去咗跑步，跑到河邊仲要影低發IG Story「我找到河了」，之後發現有籃球場仲興奮到以高八度聲線話籃球場呀，一向鍾意打籃球嘅姜B仲忍唔住落場玩兩手，不過佢全身黑，環境又黑仲要郁嚟郁去，張相勁難Cap。

另外，同姜B一齊喺台灣拍劇嘅MIRROR隊友邱士縉(Stanley)上載咗姜B開心食燒雞嘅短片，仲問佢仲乜減肥都買咁大隻雞?好一個姜B即刻嘟嘴撒嬌，話係同行嘅工作人員買，得意樣令到一眾在港「姜糖」大叫好可愛呀。