星島日報

【獨家】返新城開咪唔驚得咁多 范振鋒嘆要搵食冇辦法

2020-08-09 22:18
阿范如常返電台開咪,手上佛珠相當顯眼。而
程凱欣確診前9日曾同阿范開咪。
阿范如常返電台開咪,手上佛珠相當顯眼。而 程凱欣確診前9日曾同阿范開咪。

新冠肺炎嚴峻,新城電台由歌手施匡翹開始到知訊台執行總監程凱欣出現8人感染群組,在新城開咪的薛家燕(家燕姐)為安全計亦自我隔離14日,更因此缺席TVB音樂節目《流行經典50年》兩集錄影。上月13日,曾跟7月22日確診的程凱欣一齊錄音做節目《豐味旅程》的范振鋒坦言:「我冇本事,要出街搵食,唔驚得咁多!」採訪:方騫平

阿范如常返電台開咪,手上佛珠相當顯眼。而
程凱欣確診前9日曾同阿范開咪。
阿范如常返電台開咪,手上佛珠相當顯眼。而 程凱欣確診前9日曾同阿范開咪。
阿范同思敏周六返新城做《開心大派對》,工作不受影響。
阿范同思敏周六返新城做《開心大派對》,工作不受影響。

新城爆發感染群組前,范振鋒一周至少留喺公司三日,除咗周六同家燕姐及思敏主持《開心大派對》外,仲要為兩個節目《三九吾識噏》及《豐味旅程》錄音,後者更要同程凱欣拍住上。當電台大消毒解封後,范振鋒即重返新城開工,完全冇諗過改做Phone-in。當然防疫用品如搓手液、消毒噴霧及口罩是必備外,仲加碼戴埋勞工手套,手上的黑色佛珠就更加顯眼。

上幾周,薛家燕都改做Phone-in嚟避疫。
上幾周,薛家燕都改做Phone-in嚟避疫。
阿范盡量一日內錄晒三個節目,錄唔晒就在家工作。
阿范盡量一日內錄晒三個節目,錄唔晒就在家工作。

出街都驚
范振鋒否認驚到要戴護身符:「只係普通佛珠,由細戴到大,用嚟保平安啫。」問到返有多個確診個案嘅新城開工驚唔驚?他坦言返工驚,出街都驚,「中咗好大件事,個人會散晒,入咗個肺就更加麻煩,最好唔出街在家工作,但搵食冇辦法,我都想日日留喺屋企唔使做,但要搵食,冇本事有乜計!做好自己責任,小心啲,我都會落街食嘢同買餸。不過以前一周返兩至三日電台錄三個節目,𠵱家最好一日內搞掂,唔得就在家工作。」

阿范強調曾做過四次檢測,全部都係陰性,所以相當安心,他又指程凱欣已出院:「但就唔知幾時復工,不過我哋節目仲有存貨,所以冇乜問題。」

新城爆發感染群組後,電台關閉兩天徹底大消毒,保障員工健康。
新城爆發感染群組後,電台關閉兩天徹底大消毒,保障員工健康。
新城電台爆發感染群組,由歌手施匡翹開始到程凱欣(左1)。
新城電台爆發感染群組,由歌手施匡翹開始到程凱欣(左1)。

最新回應

關鍵字

相關新聞

熱門文章