星島日報

劉少君分享鍛鍊心肺功能貼示 麥德羅為引起恐慌向公眾致歉

2020-08-04 16:43
麥德羅和劉少君出院即茶聚捱批,今日前者發片向公眾致歉。
麥德羅和劉少君出院即茶聚捱批,今日前者發片向公眾致歉。

上月確診新冠肺炎的麥德羅大前日(1日)康復出院,翌日即急不及待相約一同染疫、早一日(7月31日)出院的劉少君去酒樓飲茶,結果惹網民砲轟自私兼四圍「播毒」!對此,兩人日前作出澄清,指醫生重複檢驗多次,證實康復才獲批准出院,又解釋雙方均有抗體在身,絕對排除感染其他人!不過似乎都未能平息網民的怒氣,繼昨日劉少君再拍片重申,並向受到滋擾人士講唔好意思後,今日輪到麥德羅拍片向公眾道歉。

麥德羅和劉少君出院即茶聚捱批,今日前者發片向公眾致歉。
麥德羅和劉少君出院即茶聚捱批,今日前者發片向公眾致歉。
麥德羅承認大意,不應出院後即出街,並謂:「對唔住所有朋友,我做錯了。」
麥德羅承認大意,不應出院後即出街,並謂:「對唔住所有朋友,我做錯了。」

片段一開頭,戴上口罩的麥德羅長嘆一口氣,然後收起手上的報紙再接着說:「先同所有網民、讀者講聲對唔住,因為今日睇到報紙都好唔開心,昨日(2日)朝早應約劉少君,喺屋企樓下附近飲茶,出嚟分享吓我哋好番嘅喜悅,同埋分享吓醫院住嘅衛生,我哋喺醫院係4個人一間房,瞓覺嘅時候都要戴住口罩,原來唔戴口罩瞓覺係好危險。但係,出嚟飲茶係唔啱嘅,係一個大意,咁先同大家講聲對唔住,亦多謝呢兩個禮拜所有照顧我嘅醫護人員,同埋向家人講聲對唔住,令佢哋受到影響,仲有公司一直照顧我,我都希望提醒大家就算確診好番都唔好約朋友飲茶,盡量留喺屋企,呢兩個禮拜調理吓身體、煮吓飯食,總之就唔好去應酬,不必要嘅約會都係。我喺度祝福所有朋友都注意衛生、身體健康,對唔住所有朋友,我做錯了。」

劉少君示範吸波,向大家分享鍛鍊心肺功能的小貼士。
劉少君示範吸波,向大家分享鍛鍊心肺功能的小貼士。
劉少君又指醫生也有介紹吹氣球,令康復者嘅肺部柔軟。
劉少君又指醫生也有介紹吹氣球,令康復者嘅肺部柔軟。

此外,劉少君又拍短片分享鍛鍊心肺功能的小貼士,他說:「我而家算係康復者,俾大家柔軟鍛鍊肺功能嘅小貼士,醫院俾呢個吸氣令波波提升嘅工具,可以將肺部慢慢提氣,若三個波升起就係正常人,唔得就要慢慢鍛鍊,每次做五至十次,將肺功能慢慢鍛鍊番好。如果冇呢個工具,醫生介紹吹氣球,唔好谷慢慢吹,每日吹三至五個氣球,令康復者嘅肺部柔軟,循序漸進慢慢好番,係小意見,大家可以參考吓。」

麥德羅出院翌日(2日)即約劉少君去酒樓飲茶。
麥德羅出院翌日(2日)即約劉少君去酒樓飲茶。

最新回應

關鍵字

相關新聞

熱門文章