《辣伙頭．開火》晒廚技   楊天宇茶餐廳水吧廚房樓面一腳踢

Viutv節目《辣伙頭．開火》第二季上周開播，分成紅藍兩組到實體餐廳對決。上周郭奕芯、陳欣妍、譚凱倫及楊天宇各有主張，意見分歧下出現嚴重內部溝通問題，最終令身為藍組隊長的郭奕芯自感未能好好帶領成員，壓力爆煲當場落淚。

 

今晚（3日）Viutv 播出茶餐廳一集，藍組成員楊天宇（Angus）表示因為茶餐廳一集是第一次擔任隊長，所以有不少壓力。而當日他的崗位是負責將「叉燒洋蔥芝士菠蘿包」分拆再合成，「意思係我𠝹開個菠蘿包，Shirley（陳欣妍）同豬妹（郭奕芯）就負責整菠蘿包入面嘅餡。最後為咗加快速度，佢哋淨係煮菠蘿包嘅餡，我就將啲餡砌埋合併落菠蘿包，跟住出餐。」不過原本負責廚房的Angus最後要兼任水吧及樓面，身兼三職，只因生意太好：「其實當時係冇為意過做緊咁多嘢，我當時嘅想法係做到就做，所以嗰個幾兩個鐘我就keep住沖奶茶、捧餐同埋砌菠蘿包，咁就完成咗個比賽。」

 

此外，為了應付工作量勁大的餐廳工作，Angus近月來更密密加操，「拍呢個節目除咗要『腦力』去諗點樣經營餐廳，體力都好重要，雖然平時有操開，但為咗可以應付廚房同樓面嘅工作，呢幾個月都特別加緊操練。」