【維港會】萬寧買牙膏送近200蚊贈品 商界老總讚超值

近日萬寧先後推出多項優惠，其中一項「賣大包」優惠，係以149.7元買3支牙膏，送總值198.2元嘅贈品，唔少網民都話超值。就連通城鐘錶董事總經理許健偉(William)埋單收到咁多贈品，都覺得好「瘋狂」。

話說William日前去萬寧買3支牙膏，順道買一筒薯片，埋單約150元。買完嘢諗住走啦，原來有優惠，加送6支Dreyer's甜筒、5包出前一丁、1支洗潔精及1包人蔘雞湯，送咁多嘢，佢用「瘋狂」來形容，仲話係「非常開心的購物體驗」。