星島日報

【獨家】撇甩愛女二人世界 李丞責夫婦逛街不忘買童裝

2020-07-31 23:30
月初疫情未算嚴峻,李丞責就跟Sandy撇低愛女,兩度拍住拖殺落銅鑼灣買嘢。
月初疫情未算嚴峻,李丞責就跟Sandy撇低愛女,兩度拍住拖殺落銅鑼灣買嘢。

著名堪輿學家李丞責博士與太太劉倩婷(Sandy)結婚7年依舊恩愛,兩公婆經常出雙入對,就連早前做慈善向學校捐口罩,他們都夫妻檔拍住上。不過抗疫期間,二人亦好少到人多的地方行街,月初疫情未算嚴峻,李丞責就跟Sandy撇低愛女,兩度拍住拖殺落銅鑼灣買嘢,其間亦不忘為囡囡添新裝。採訪:梁志明

月初疫情未算嚴峻,李丞責就跟Sandy撇低愛女,兩度拍住拖殺落銅鑼灣買嘢。
月初疫情未算嚴峻,李丞責就跟Sandy撇低愛女,兩度拍住拖殺落銅鑼灣買嘢。
兩公婆早前落銅鑼灣買嘢,雙方都滿載而歸。
兩公婆早前落銅鑼灣買嘢,雙方都滿載而歸。

早前傍晚6時許,李丞責夫婦現身利園Hermes,未知最近是否瘦咗呢?身穿粉紅色孖襟西裝褸襯Polo shirt的Sandy,將帶來的Shocking Pink皮帶交給店員釘窿;等待期間,她便企埋一邊低頭狂撳手機,而老公就在店內行。當日穿冷背心襯白恤衫、梳了個蛋撻頭的李丞責,驟眼睇好似學生哥,成功回春!釘完窿後,Sandy即刻將皮帶穿番上條腰,之後便雙雙返歸。

Sandy從紙袋中拎出衫仔Show畀老公睇。
Sandy從紙袋中拎出衫仔Show畀老公睇。
李丞責專注睇酒。
李丞責專注睇酒。

爭取時間分頭行
另一日李氏夫婦再次現身利園,但今次兩公婆決定慳時間分開行,當Sandy去Ralph Lauren揀衫畀囡囡時,一向好杯中物的李丞責就走咗去酒窖,他一邊戴住個Ear pieces聽歌,一邊皺晒眉研究貨架上的靚酒,睇咗15分鐘便拎咗一支3000幾蚊的白酒去埋單。隨後,李丞責再到童裝店會合太太回家,沿途Sandy邊行邊從紙袋中取出一件白色褸仔拼上身Show畀老公睇,李丞責望一望都好滿意。

最後李丞責買了一支3000多元白酒。
最後李丞責買了一支3000多元白酒。
Sandy早前拎條皮帶落利園Hermes釘窿。
Sandy早前拎條皮帶落利園Hermes釘窿。
以學生Look現身的李丞責全程陪伴在側。
以學生Look現身的李丞責全程陪伴在側。
Sandy於2013年下嫁李丞責,並於4年前誕下女兒李阡辰。
Sandy於2013年下嫁李丞責,並於4年前誕下女兒李阡辰。

最新回應

關鍵字

相關新聞

熱門文章