為晒囡囡肥腳仔　林子善跟太太合作度埋劇情拍片

林子善自從去年12月榮升老竇後，他跟太太Kary（董佩欣）一切以囡囡以晴為中心，更加對囡囡錫到濃，只要有時間都會爭取時間親自湊女，仲幫囡囡拍下唔少得意相同可愛片段。今次他跟Kary更加度埋劇情拍片，片段中見到子善喺度食緊薯片，太太出聲叫佢畀塊佢食，但子善唔肯仲解釋話：「呢包薯片特別入味㗎！」跟住鏡頭一轉，見到包薯片入面仲有囡囡嘅肥腳仔喺度，相當搞笑！而Kary亦在留言話：「林家牛仔片，Yummy！阿媽一放假～就要諗啲嘢玩下，NG左好多次因為我同工人姐姐笑到癲咗」睇嚟等到以晴再大啲，佢哋呢一家應該仲有更多精彩嘅片送畀大家。