星島日報

上鄭元暢飲食節目變問題少女 楊丞琳煮到唔耐煩: 很生氣欸

2020-07-25 12:00
鄭元暢最近開了個新網上節目《鄭元暢之不專業廚房》。
鄭元暢最近開了個新網上節目《鄭元暢之不專業廚房》。

台灣型男鄭元暢最近在自家YouTube Channel開了一個新節目《鄭元暢之不專業廚房》,自稱對烹飪零概念的他更邀得一眾圈中好友上節目教煮嘢食,繼上集請來氣質女神許瑋甯後,昨日上載的最新一集有楊丞琳擔任嘉賓,今集主題為「史上最不耐煩廚房降臨」,顧名思義就係愈煮愈唔耐煩,楊丞琳煮到最後更嘆氣道:「我對煮菜沒興趣!我確定了啦!(煮菜)很令人感到生氣欸!」

鄭元暢最近開了個新網上節目《鄭元暢之不專業廚房》。
鄭元暢最近開了個新網上節目《鄭元暢之不專業廚房》。
最新一集邀得唔識煮嘢的人妻楊丞琳做嘉賓。
最新一集邀得唔識煮嘢的人妻楊丞琳做嘉賓。

去年下嫁內地歌手李榮浩的楊丞琳,雖然升呢人妻,但廚藝完全冇進步過,節目中,她直言自己不懂煮食,更形容家中廚房就如「樣品屋的狀態」!節目甫開始,挑戰整「韓式泡菜炒年糕」的楊丞琳,一見到桌上的食材青蔥,即拎起無奈問:「我最怕備料,像這位,我要幹嘛呀?」看畢食譜後,忽然「問題少女」上身的楊丞琳又爆笑問:「琺瑯鍋是誰呀?」還試圖打眼色向幕後工作人員求救,之後更問點解年糕要先水煮?年糕有冇分生同熟?但鄭元暢爆笑叫她:「楊女士冷靜一點!不用問,你要當作這裏沒有人,因為他們不會回答你的,只有我可以問!」楊丞琳即大嗌壓力好大,然後繼續一臉疑惑地搵琺瑯鍋,場面爆笑!

兩個對烹飪零概念的人挑戰整「韓式泡菜炒年糕」。
兩個對烹飪零概念的人挑戰整「韓式泡菜炒年糕」。
平時不下廚的楊丞琳表示家中廚房就如「樣品屋」咁齋睇唔用。
平時不下廚的楊丞琳表示家中廚房就如「樣品屋」咁齋睇唔用。

整個製作過程中二人不停鬥嘴,由於楊丞琳瘋狂問點解要加水?要加幾多水?洋蔥要點處理?再睇見她連洋蔥都切到震震吓,在旁的鄭元暢都不自覺地皺晒眉頭,後來更不耐煩地叫對方:「你不要聊天,你把切絲切完!你先把切絲切完!」不過楊丞琳冇理,還自爆最憎演偶像劇為生病的男主角削蘋果,她爆笑稱:「誰會削(蘋果皮)啊?為甚麼一定要削蘋果,我不可以剝香蕉給他吃嗎?」最終兩位成唔成功煮出一道「韓式泡菜炒年糕」呢,咁就要等下集先知了!

一開波,楊丞琳搵琺瑯鍋都搵咗好耐。
一開波,楊丞琳搵琺瑯鍋都搵咗好耐。
楊丞琳連洋蔥點切絲都唔識,無從入手。
楊丞琳連洋蔥點切絲都唔識,無從入手。
楊丞琳嬲豬話最憎演偶像劇為生病的男主角削蘋果,仲問點解唔可以係剝香蕉。
楊丞琳嬲豬話最憎演偶像劇為生病的男主角削蘋果,仲問點解唔可以係剝香蕉。

最新回應

關鍵字

相關新聞

熱門文章