演員檢測報告呈陰性 《刑偵日記》劇組停工四天觀察 

2020-07-19 21:36
王浩信、黃智雯及黎諾懿檢測完暫時冇事,已安心好多了。
王浩信、黃智雯及黎諾懿檢測完暫時冇事,已安心好多了。

由於施匡翹喺確診前,曾與有份參與TVB新劇《刑偵日記》演員游嘉欣一起上過戲劇班,累及《刑》劇主要演員袁偉豪、王浩信、姜皓文、黎諾懿及黃智雯等心慌慌,為求安心各自做檢測,幸而檢測報告全部也呈陰性。

袁偉豪與女友張寶兒一齊去做檢測,兩人報告呈陰性冇事,袁偉豪表示暫時放心,但要好小心不可以病,因為他是經濟支柱。

王浩信說:「多謝大家關心,因為避免無謂揣測趕快去做咗檢查,核酸檢測結果為陰性,即係冇事,呢幾日都會一直監察自己健康狀況,同埋隔離自己幾日觀察。以我所知暫時停工幾日,其他進一步都要等劇組安排。」

黎諾懿指報告呈陰性也放心一點,但有潛伏期,所以這兩天會留意自己的身體狀況,冇事才安排老婆及兒子回家。他指疫情嚴峻,未知何時復工,監製說會先停拍四天,再看大環境作安排。

黃智雯說:「已經做咗檢測證實冇事啦,多謝關心!希望大家保持安全健康。」另姜皓文報告也呈陰性。

除咗《刑偵日記》部份主演演員王浩信,袁偉豪,黃智雯,黎諾懿,王敏奕做咗檢測外,該劇監製關樹明率總導演、副導演都有做核酸檢測。在covid-19快速測試結果下全部結果陰性。關樹明說:「我哋會繼續謹守崗位,同心抗疫!希望大家一定要戴口罩,常消毒。多多保重!」

王浩信、黃智雯及黎諾懿檢測完暫時冇事,已安心好多了。
王浩信、黃智雯及黎諾懿檢測完暫時冇事,已安心好多了。
黑哥聽到報告係陰性即笑晒口。
黑哥聽到報告係陰性即笑晒口。

袁偉豪同密切接觸者張寶兒結伴去做檢查。
袁偉豪同密切接觸者張寶兒結伴去做檢查。

關鍵字

最新回應

關鍵字

相關新聞

熱門文章