【急報喜】做完施匡翹訪問驚中招無綫主持許文軒報告呈陰性

2020-07-19 19:19

本港新冠肺炎疫情再度大爆發，疫情更席捲娛樂圈，24歲新晉歌手施匡翹不幸中招，TVB主持許文軒(Edmond)最近曾接觸過患者，曾為Enews採訪《勁歌金曲》嘉賓施匡翹，又同她的宣傳人員阿佳傾過偈，因此，昨天他馬上去做核酸檢測，出咗報告呈陰性。Edmond收到檢查結果後，急不及待喺IG報喜說：「平安便是福，大家要學懂感恩！

喺呢度同大家報個平安，喺報道出街後，我已立即去醫院做了核酸檢測，結果呈陰性。謝謝大家嘅關心、慰問和祝福，令到大家擔心實在萬分抱歉，我會繼續保持警惕，留意自己嘅身體狀況，乖乖留喺屋企唔會周圍走。為咗身邊愛你嘅人，希望大家時刻都保持個人衛生，戴口罩，勤洗手，減少社交接觸，千祈唔可以鬆懈。祝各位身體健康！確診者早日康復！」