星島日報

【娛樂圈感染群組牽連甚廣】自我隔離等待檢疫測試 家燕姐坦言心驚驚

2020-07-19 17:09
家燕姐同啤梨等緊做檢疫測試。
家燕姐同啤梨等緊做檢疫測試。

由麥德羅及女友Apple姐、歌手施匡翹和宣傳人員阿佳爆發的娛樂圈感染群組,牽連甚廣,因為施匡翹每周四都到新城電台主持節目《猜情尋》,新城即時直播室、錄音室、大堂等進行全台噴霧大清潔,非當值及後勤員工則安排家居工作,仲安排咗一間公司送上檢疫測試瓶給全部員工都做檢疫測試,預計12至24小時就有結果。

薛家燕除咗每周喺新城電台開咪做節目外,還會返TVB錄影《流行經典50年》,對於施匡翹和宣傳人員等確診,家燕坦言擔心:「呢幾日疫情係幾緊張,知道有歌手及相關助手受到感染,佢哋又有同新城、無綫等工作人員一齊做嘢,所以我當然擔心,亦自我隔離喺屋企等待檢疫測試。新城尋日通知我哋,全部訪問都轉為Phone In,我哋唔使出現,連嘉賓都係Phone In做訪問。至於無綫方面電視城尋日全廠進行大清潔,尋晚我同《流行經典50年》監製商量,因星期二要錄影,為咗安全,𠵱家決定取消,因為每集都好多歌手、樂隊、舞蹈人員,而新城今日都安排咗公司送上檢疫測試瓶,幫我哋全部員工都做檢疫測試,12至24小時就有結果,我都會做測試,以防萬一。」

葉文輝范振鋒異口同聲話OK
至於新城DJ葉文輝(啤梨)就話暫時OK,多謝關心,他不慌不忙說:「都唔算好驚,但係為咗屋企人都準備做測試買個安心,𠵱家等緊測試用品送到我屋企,應該好快有結果。」而范振鋒同樣表示:「I’m ok.」

家燕姐同啤梨等緊做檢疫測試。
家燕姐同啤梨等緊做檢疫測試。
喺疫情下家燕姐都好小心防疫。
喺疫情下家燕姐都好小心防疫。

DJ范振鋒及思敏抱住平常心面對。
DJ范振鋒及思敏抱住平常心面對。

最新回應

關鍵字

相關新聞

熱門文章