搭格仔屋拍MV Nowhere Boys反映住屋苦況

樂隊Nowhere Boys最近首次為電視劇《地產仔》寫主題曲《That’s Why》，MV除了有他們一貫的西部牛仔曲風之外，更特別在工廠大廈平台搭了一間100呎正方型木屋，內裏分成5格，5位成員一人一格，以突顯香港人的住屋苦況。
至於帶同愛犬來拍攝的主音歌手Van解釋謂：「歌詞入面有一句『連做狗間屋都比我大』，就因為呢句歌詞，畀到導演靈感，想真係搵隻狗嚟做到呢個對比，所以就搵嚟我嘅乖女Poochie（法國鬥牛犬）客串演出。其實佢嘅演出經驗都幾豐富，拍過廣告做過女主角，今次佢嗰場戲要困住佢一個喺間木屋入面，但佢完全唔驚，仲跟足導演指示交足戲，要佢轉圈就轉圈，要佢攤地就攤地，乖過平時喺屋企。」
提到香港住屋問題，鼓手Nate說：「我初初返香港嗰幾年，住嘅地方都唔大過呢間木屋幾多，所以好明白住喺度嘅感受。」Van特別提醒：「Ending我哋要5個人一齊入去，各自在自己一格，用手腳同道具樂器拆咗間屋，大家一定要仔細欣賞我哋5個『寮仔部』大漢點樣清拆違例木屋啦。」