憂街市成播毒途徑　許芷熒籲大家小心處理銀紙coins

2011年港姐季軍許芷熒（前名許亦妮，Whitney）去年9月下嫁圈外男友Alex，並於今年2月初誕下女兒「馮寶寶」Kayli Jane，自此便專心做全職媽咪，在家中湊女兼煮飯，仲經常於IG分享B女萌照及下廚「Making of」短片。然而，近日本港社區再爆發疫情，街市更成為傳播病毒的地方，作為「師奶仔」的Whitney就好擔心，她於IG Story留言：「有少少唔明點解冇人提及過銀紙同碎銀coins都係傳播新型肺炎嘅途徑。好多人去完街市同一啲街市檔口售貨員都已經染病，大家一定要好好處理銀紙同coins。」確實好多人都忽略呢一點，大家都要小心處理啲錢呀！