借老公袁劍偉生日狂谷新戲　林嘉欣畀粉絲笑：放閃無可疑

呢排忙住為主演嘅電影《死因無可疑》宣傳嘅林嘉欣，噚日竟然為咗一個人連出三個Post，無他咁重要嘅人當然係老公袁劍偉，正因係老公牛一，嘉欣梗係緊張啲啦！第一個Post放咗個生日蛋糕相，寫住：「袁導演，生日無可疑，快樂無可疑，健康無可疑」跟住朋友送嘅禮物相，壓軸登場嘅就係嘉欣坐住老公大髀齊齊準備吹蠟燭嘅相，再寫：「你知道的...不說了」當中仲hashtag住「#才華無可疑#幸福無可疑#細心無可疑#型男無可疑#堅持無可疑#甜蜜無可疑#GOODTAKE無可疑#導演無可疑#入樽無可疑#贏波無可疑#得分無可疑」雖然係借生日狂谷套新戲，但呢套係佢同老公合作嘅第二套作品，宣傳吓都好應該嘅，最搞鬼係有粉絲好配合話「放閃無可疑」。