微博Fans人數下跌 半裸吳鎮宇着泳褲放狗「吸粉」

好多藝人都有好多社交平台，例如Facebook、ig同微博，大部分都一雞三味，即係三個平台Post嘅嘢都一樣，不過，寫ig同寫微博好明顯係兩樣嘢，你寫廣東話，內地Fans未必睇得明，但亦有藝人冇ig得微博，咁就易搞好多，如吳鎮宇，佢仲好識得運用內地潮語，58歲嚟講都算好學。

尋日佢就貼咗張放狗相，重點係佢個裝束，就係得條好似泳褲咁嘅東西，好短好貼，半裸上身加兩條腿光脫脫，其實都幾罕見，點解佢要貼張咁嘅相?佢話，「我開始掉粉了，趕緊補救！ ​​​​」之後佢再加多兩錢肉緊，「我讀書少，不要騙我！放費曼(佢個仔)照真的可以漲粉嗎？ ​​​​ ​​​​」又掉粉，又漲粉，真係好多粉。